ازاي تستفيد من السفارة الامريكية IRC بمصر

 




كيف تستفيد من مكتبة السفارة الامريكية IRC بمصر

من افضل الاماكن اللي ممكن تتعلم فيها اللغة الانجليزية فيها هي مكتبة السفارة الامريكية في القاهرة.

هتعمل ايه هناك ؟

- هتدخل كإنك زائر عادي لمكتبة ، تقدر تقرأ الكتب (ومش اي كتب ، معظم الكتب ثمنها غالي وتقدم لك مجاناَ للتصفح) ، فيه شاشتين كبار زي بتوع السينما لو حبيت تتفرج على افلام بال English subtitles بتعها ، سماعات هيدفون HD

- فيه كمان XBOX وقاعة للمحاضرات ، وهذة القاعة بعض الاوقات بتكون فاضية ، ففي الاوقات ال قاعة فيها فاضية انا مثلاَ بروح هناك وبجمع اصحابي او بعض من الناس ونعمل ممارسة للغة الانجليزية مجاناَ ، فيه هناك بردوا Audio Book بالهيدفون بتاعته لو حابب تقرا كتاب او تسمعه

- التصوير أو الطباعة أو المسح الإلكتروني للكتب بأسعار رمزية جدا

- مشاهدة قنوات أمريكية (بث مباشر)

- كمان فيه كمية كبيرة ورائعة من الكتب الإنجليزية فى شتى المجالات ومنها كتب تعليم اللغة الإنجليزية وكتب الاعداد لاختبارات مثل TOEFL, IELTS, SAT, GMAT, GRE وغيرها.

- إمكانية حضور عروض أفلام يقدمها المركز .. ومناقشة الفيلم باللغة الإنجليزية بعد مشاهدته مع باقي الحضور ومنسق الحوار (أمريكي الجنسية) ... مما يساعد على تحسين مهارة التحدث.

- كمان فيه انترنت مجاناَ حوالي 12 جهاز جميل جداَ يعني هستفاد بكل الطرق المتاحة

وكل يوم اربعاء فيه محادثة مجانية مع الامريكان (يحتاج ان تعمل عضوية ) والعضوية مجانية

ازاي اعمل عضوية???? ؟

- صورة من البطاقة السارية

- علشان تعمل العضوية متاحه من الساعة 10 صباحا حتي 12 ظهرا بس لازم تروح بدري بيبقي زحمه

ايه فايدة العضوية 

- لا فايدتها كبيره لانك تقدر لما تعمل العضوية انك تستعير اي كتاب انت محتاجه وافلام dvd وترجعها بعد اسبوع 

- تقدر تشترك في برنامج المحادثة كل يوم اربع مع الامريكان وطبعا هتحضر مع جروب يناسب مستواك متقلقش

هو كل ده ببلاش ؟!! اه ببلاش ????

ايه الشروط بقي ؟

ان يكون سنك لا يقل عن 18 ومعاك بطاقة سارية وتعمل لكي يمكنك الدخول الى مكتبة السفارة الامريكية 

لازم تحضر علي الاقل 3 محاضرات علشان تثبت انك تستحق العضوية

ملحوظة بقي : هتجيب معاك تلفونك ومفاتيحك وفلوسك بس علشان مش هتدخل بحاجه تاني ولو معاك اي حاجة الكترونية او فلاشة فيه مكتب الامانات في السفارة ممكن تسيب عنده حاجاتك وتاخدها وانت ماشي

فين السفارة بقي ؟

العنوان : 5 شارع توفيق دياب ، جاردن سيتي ، القاهرة (بالقرب من القصر العيني , التحرير) هتخرج من محطة السادات اتجاه الجامعة الامريكية وتسأل اي حد فين السفارة هيقولك.

نشرت في : ٤‏/٤‏/٢٠١٩ ١٠:٢٧ ص

برمجة وتصميم Amwoaly - أموالي 2019