روأيـــة حـــب أســتــفــزازى )الــحـلـقـه الـــثـــامــنـــه عــشــرة روأية رومانسيه رائعة جديدة

 

"روأيــة "حــب أســتــفــزا زى"

 

 

بــقـلـم الـكـاتـبـة : نــورهــان عــبـد الـرحـمـن

الـحـلـقـة الـثـامـنـه عـشـرة

 

اخدت نوارة حاجاتها ونزلت ركبت العربيه وبكل عصبيه قالت للسواق يمشى كانت متعصبه وع اخرها وهى فى الطريق فجاءه سارعتهم عربيه متفيمه اسود كلها وفجاءه قطعت طريقهم ووقفت قصادهم السواق نزل يشوف فى ايه ولكن نوارة قلبها دقاته اتسارعت وحست انها فى خطر وسريعآ مافتحت الواتس  بتاعها وبعتت رساله ليونس بصوتها الحقنى يايونس انا هتخطف هى متعرفش ايه اللى خلاها تقول كدا لكن حست انها فى خطر وخبت وقفلت تليفونها وخبته فى هدومها وكمان اخدت تليفون السواق وخبته فى هدومها ولكن مكان مختلف وقفلت عليها العربيه بتبص قدامها شافت السواق بيضرب ع دماغه وناس بتقترب منها فضلت تصوت ولكن ماباليد حيله حاولو يفتحوا كل الابواب مبتفتحش وسريعآ ماكسروا الازاز بتاع الشباك احدهم ورش فى وش نوارة حاجه خليتها غابت عن الوعى وشالها وراح بيها ع عربيتهم وسريعآ ما اتحركوا 

اول مايونس بيفتح الرساله وبيسمعها اتحرك سريعآ حسب الالوكيشن اللى بعتتهلوا نوارة مع الرساله ولكن بعد وقت وصل وللاسف اتصدم لما شاف السواق سايح فى دمه وملقى ع الارض والعربيه فاضيه مفيهاش الا شنطة نوارة بس اللى فى العربيه سريعآ مااتصل بالاسعاف وكان هيتجنن من القلق والخوف ع بنت خالته اللى هو متأكد انها فى خطر دلوقتى 

_

 أروى بتحاول تقرب من جاسم وبتحاول وبدأت بالفعل بالتقرب منه وفجاءه وبدون مقدمات مسكت وشه باايدها الاتنين وقبلته 

وبعدوقت فاق جاسم وزقها 

 جاسم : ايه دا يا أروى ايه اللى بتعمليه دا 

أروى : ع اساس انها اول مره يعنى 

جاسم : لا بس انتى فجائتينى 

أروى : فجائتك باايه فى ايه ياجاسم انت متغير بقالك فتره انت مبقتش تحبنى 

جاسم : اروى متكبريش الموضوع وتديله حجم اكب من حجمه 

أروى : جاسم احنا هنتخطب امتى 

جاسم : خطوبة ايه يا أروى انا لسه بدرس ازاى يعنى 

أروى : نلبس دبل بس حتى 

جاسم : ربنا يسهل نشوف بعد الامتحانات يلا انا همشى 

أروى : متخليك بايت معايا 

جاسم : لا مش هينفع عشان ماما 

أروى : طيب 

ومشى جاسم وهو مدايق ومش طايق نفسه ولا طايق حتى أروى روح ع البيت لقى والداته 

ويونس  والبيت فى قلق 

جاسم : فى ايه 

والداته : حكتاله اللى حصل 

جاسم : وانت كنت فين يايونس ماانت بتيجى معاها كل يوم 

يونس : كان عندى غدا عمل مهم يارتنى ماسبتها 

لينا : متأنبش نفسك ياحبيبى دا نصيب المهم نقدر نرجع نوارة 

والداتهم : يارب قلبى واكلنى عليها 

يونس : انا هنزل ادور عليها فى الشوارع وهطلع ع المستشفى اشوف الاسطى عبدو يمكن فاق ويقدر يفيدنى بحاجه 

____

نوارة بتبتدى تفوق ببطء وبتبص حواليها لقيت نفسها فى اوضه ونايمه ع سرير جت تقوم ولكن لقيت نفسها مربوطه فى السرير 

صوتت نوارة بعزم مافيها من قوه : الحقونى الحقونى الحقونى 

دخل عليها بعبوعها فى الدنيا 

حسين : يامرحب ببنت عمى يامرحب 

اول مانوارة شافته صوتت 

نوارة : انت انت عرفت مكانى ازاى وعايز منى ايه 

حسين : ههههههههههههه انتى لو فى اخر بلاد المسلمين هجيبك 

اما بقى عايز منك ايه عايزك انتى يابنت عمى وانتى عارفه انى رايدك من زمان 

نوارة : ياحسين بلاش اللى بتعمله دا زمان خالتى بلغت البوليس وهيلاقينا 

حسين : ليه هو انا تلميذ يابنت عمى احنا فى حته الدبان الازرق مش هيعرفلك مكان وكلها بكره وهتبقى مرتى 

يعنى محدش هيقدر يخدك منى يلا هسيبلك دلوجت لكن هبعتلك الاكل ياحبيبتى 

ومشى حسين بدون مايسمع رد ونوارة عندها حالة ذهول مش عارفه تعمل ايه وبدأت تعيط وهى مش عارفه تعمل ايه 

___

يونس ماشى فى الشوارع زى المجنون حاسس بالذنب وبيكلم نفسه 

يونس لنفسه : هو انا ياربى علشان اغيظها اضيعها من ايدى ياريتنى ماكنت سبتها وفجاءه دموعه نزلت ماكنتش اعرف

انك غاليه ع قلبى بالشكل دا يانوارة ماكنتش اعرف انك هتفرقى معايا كدا يارب عطرنى فيها يارب 

____

طارق لسه هيمشى من النادى لقاها جاى فى وشه جرى عليها 

طارق : انتى مختفيه فين بقالك كام يوم 

هدير : اصلى كان عندى ايه دا انت مين اصلا وبتسأل بتاع ايه 

طارق : انتى بتعلى صوتك عليا ياهانم عيب تعلى صوتك ع جوزك 

هدير : جوزى مين انت مجنون 

طار ق: ايوه جوزك بااعتبار ماسوف يكون يعنى 

هدير : انت اكيد مجنون

طارق : عارف اتفضلى امسكى 

هدير : ايه دى 

طارق : دا عنوان مكان هنتظرك فى ع العشا بكره بعد ماتخلصى شغلك 

هدير : وانا اقابلك بتاع ايه اصلا 

طارق : هنتظرك 

ومشى وسابها هتجنن من تصرفه 

___

 دخل الاكل لى نوارة 

حسين : يلا يابت عمى عشان تأكلى

نوارة لسه هتتعصب ولكن فكرت تبقى مسالمه عشان تقدر تخلص 

نوارة : الله داانا هاموت من الجوع فكنى بسرعه 

حسين : لا افكك ليه يابت عمى انا اللى هأكلك باايدى 

نوارة : لا طبعآ تأكلنى ايه هو انت هتزلنى ولا فكرك انى هعرف اهرب من الاوضه المقفله من كل الاتجاهات دى

حسين : تمام يابت عمى 

فكها حسين وبدأت تأكل وتمثل انها هتموت من الجوع 

حسين : هسيبك تأكلى براحتك يابت عمى وشويه وهجيلك 

نوارة : طيب فى حمام هنا 

حسين : فى نفس الاوضه يابت عمى ورا الستاره دى 

نوارة : ماشى 

انتظرته نوارة لما خرج ودخلت الحمام وطلعت الموبيل بتاعها وبعتت 

الموقع اللى هى فى ليونس ورساله عرفته اللى حصلها 

___

يونس فضل يلف لحد الفجر دخل الجامع وقعد يصلى وفضل يدعى ربنا وبعد ماخلص صلاه 

لقى رساله من نوارة ولكن الموبيل مخدمهوش وفصل شحن كان هيتجنن جرى ع عربيته 

وحط الموبيل ع وصلة العربيه وبدأ يشحن انتظر خمس دقايق علشان الموبيل يشحن  وهو ع اعصابه 

وفى الاخر الموبيل فتح  ولقى الرساله 

الحقنى يايونس حسين ابن عمى خاطفنى ودا الاوكيشن الحقنى والنبى دا بيقول هيتجوزنى بكره غصب 

وخلى بالك فى بدى جردات كتير معاه متجيش لوحدك لو ماكنتش سبتنى اروح لوحدى مماكنش دا كله حصل 

ووووووووووووووووووووووووووووووووووو

____

تنتهى حلقتنا نكمل غدآ

nourhan

نشرت في : ٨‏/٢‏/٢٠١٩ ٣:٤٧ م

برمجة وتصميم اموالي 2019