كلمات اغنية الف ليله وليله ل ام كلثوم الفنانة الرائعة

كلمات اغنية الف ليله وليله "لام كلثوم"

يا حبيبى الليل وسماه ونجومه وقمره وسهره وانت وانا يا حبيبى انا يا حياتى انا كلنا فى الخب سوا والهوى اه منه الهوى سهران الهوى يسقينا الهنا ويقول بالهنا يا حبيبى يالاه نعيش فى عيون الليل ونقول للشمس تعالى بعد سنة مش قبل سنة دى ليلة حب حلوه بالف ليله وليله 

بكل العمر هو العمر ايه غير ليله زى الليله 

ازاى اوصفلك يا حبيبى ازاى 

قبل ما احبك كنت ازاى  كنت ولا امبارح فاكراه 

ولا عندى بكره استناه ولا حتى يومى عايشاه 

خدتنى بالحب فى غمضة عين 

ورتنى حلاوة الايام فين والليل بعد ما كان غربة مليته امان 

والعمر بعد ما كان صحرا اصبح بستان 

يا حبيبى يالاه نعيش فى عيون الليل ونقول للشمس تعالى بعد سنة مش قبل سنة دى ليله حب حلوه بالف ليله وليله 

بكل العمر هو العمر ايه غير ليله زى الليله 

يا حبيبى ايه اجمل من الليل واتنين زينا عاشقين تايهين 

ما احناش حاسين العمر ثوانى وله سنين 

حاسين اننا بنحب وبس 

عايشين لليل والحب وبس

يا حبيبى الحب حياتنا وبيتنا وقوتنا  

الناس دنيتهم واحنا لينا دنيتنا 

وان قالوا عشاق بيدوبوا فى نار اشواقه اهى ناره دى جنتنا 

الحب عمره ما جرح ولا عمره بستانه طرح غير الهنا وغير الفرح 

يا حبيبى يالاه نعيش فى عيون الليل ونقول للشمس تعالى بعد سنة مش قبل سنة دى لليله حب حلوه بالف ليله وليله 

بكل العمر هو العمر ايه غير ليله زى الليله 

يا قمر ليلى يا ظل نهارى يا حبى يا ايامى الهنيه عندى لكل اجمل هدية 

كلمة الحب اللى بيها 

تملك الدنيا وما فيها واللى تفتح لكل كنوز الدنيا ديه 

قولها ليه قولها للطير والشجر للناس لكل الدنيا قول الحب نعمه 

مش خطيه الله محبه الخير محبه 

النور محبه يارب تفضل حلاوة سلام اول لقاه فى ايدينا 

وفرح اول معاد منقاد شموع حوالينا 

ويفوت علينا الزمان يفرش امانه علينا 

يا رب 

لا عمر كاس الفراق المر يسقينا 

ولا يعرف الحزن  مطرحنا ولا يجينا 

وغير شموع الفرح ما اشوف ليالينا 

يا حبيبى يالاه نعيش فى عيون الليل 

ونقول للشمس تعالى بعد سنة مش قبل سنة 

دى لليله حب حلوه بالف ليله وليله وهو العمر ايه غير ليله زى الليله 

****

كلمات : مرسى جميل عزيز 

الحان : بليغ حمدى 

غناء : ام كلثوم 

1969 

 

نشرت في : ٣‏/٢‏/٢٠١٩ ٩:٠٥ م

برمجة وتصميم Amwoaly - أموالي 2019